Nú styttist óðum í UFC 231 sem fer fram í Toronto á laugardaginn. Fyrsti Embedded þátturinn er kominn út þar sem fylgst er með á bakvið tjöldin hjá bardagamönnum helgarinnar.
Gunnar Nelson mætir Alex Oliveira á UFC 231 á laugardaginn. Í aðalbardaga kvöldsins verða þeir Brian Ortega og Max Holloway þar sem barist verður upp á fjaðurvigtartitilinn. Í næstsíðasta bardaga kvöldsins mætast þær Valentina Shevchenko og Joanna Jedrzejczyk um lausan fluguvigtartitil kvenna.
Í fyrsta Embedded þættinum má sjá Ortega klára síðustu æfinguna áður en hann heldur til Kanada en Holloway er þegar mættur í kuldann. Þá má sjá Shevchenko aðstoða systur sína er eldri systirin barðist sinn fyrsta bardaga í UFC og svo lokaundirbúning hjá Joanna Jedrzejczyk.
