Fight Pass upphitunarbardögum er lokið og voru fyrstu fjórir bardagar kvöldsins bara mjög skemmtilegir.
Í veltivigt mættust þeir Dhiego Lima og Chad Laprise. Dhiego Lima var fyrir bardagann með eitt versta bardagaskor í sögu UFC – einn sigur og fimm töp. Chad Laprise byrjaði bardagann á að pressa stíft og náði nokkrum fínum lágspörkum. Lima náði síðan glæsilegum vinstri króki sem smellhitti fullkomnlega og féll Laprise niður. Lima þurfti ekki að fylgja högginu eftir með fleiri höggum í gólfinu og gaf dómaranum færi á að stöðva bardagann. Lífsnauðsynlegur sigur fyrir Dhiego Lima í hans annarri atrennu í UFC.
I say GOD DAMN
pic.twitter.com/R5WIC0CMhY— Joe Devlin (@_MMAFNL) December 9, 2018
Fjórði bardagi kvöldsins var í bantamvigt á milli Brad Katona og Matthew Lopez. Þeir skiptust á höggum mest allan tímann en Lopez náði nokkrum fellum út bardagann. Í 3. lotu voru smá sveiflur í gólfinu og endaði Katona með hengingu og kreisti eins og hann gat en tíminn rann út. Lopez var í erfiðleikum með að standa upp eftir felluna og hefur sennilega lognast smá út af áður en bardaginn kláraðist. Dómarinn stöðvaði þó aldrei bardagann og fór þetta því í dómaraákvörðun. Dómararnir töldu að Katona hefði sigrað og nældi hann því í fyrsta sigur Kanada-manna í kvöld. Tveir Kanada-menn í röð höfðu tapað og gaf Katona því heimamönnum fyrsta sigur kvöldsins.
