Eins og við greindum frá í gær hóf orðrómur göngu sína á Twitter að Jon Jones myndi ekki berjast á UFC 187. Nú hefur UFC sent frá sér yfirlýsingu vegna málsins sem og lögreglan í Albuquerque.
Yfirlýsing UFC er svo hljóðuð: „Við erum meðvituð um að lögreglan í Albuquerque vilji ræða við Jon Jones vegna hugsanlegra tengsla hans við bílslys. Við erum að safna upplýsingum um málið og munum ekki tjá okkur frekar um málið fyrr en þeim hefur verið aflað.“
Jon Jones býr og æfir í Albuquerque, Nýju-Mexíkó, þar sem slysið átti sér stað. Lögreglan í Albubuquerque sagði svo þetta á Twitter í gær:
We CANNOT confirm that Jon Jones was involved in a H&R traffic accident from this morning. The investigation is ongoing.
— Albuquerque Police (@ABQPOLICE) April 26, 2015
Síðar í gær bættu þeir við yfirlýsinguna.
We can now confirm that we are looking for UFC fighter Jon Jones for questioning stemming from a H&R this morning. http://t.co/kPKyB5xk5X — Albuquerque Police (@ABQPOLICE) April 27, 2015
Eins og staðan er núna er Jones einungis grunaður um að hafa flúið vettvang eftir bílslys. Lögreglan í Albuquerque hefur ekki náð í Jones eða lögfræðing hans og því er málið enn í lausu lofti.
FrontRowBrian var sá sem greindi fyrstur frá bílslysinu en hann heldur því nú fram að Twitter aðgangur hans hafi verið hakkaður.
Just checked my twitter for the first time today. Got hacked. Seeing all these tweets about Jon Jones. What happened?
— FrontRowBrian® (@FrontRowBrian) April 27, 2015
Málið er allt hið undarlegasta en nokkrir MMA fréttamiðlar fullyrtu í gær að hætt hafi verið við bardaga Jones og Johnson á UFC 187. Þessir miðlar drógu síðar fullyrðingu sína til baka.
Glenn Robinson, umboðsmaður Anthony Johnson, hefur ekkert heyrt frá UFC um málið. Að hans vitund fer bardagi Johnson og Jones fram þann 23. maí eins og áætlað er.
