UFC var með ágætis bardagakvöld í St. Louis í nótt. Í aðalbardaga kvöldsins mættust þeir Jeremy Stephens og Doo Ho Choi.
Jeremy Stephens sigraði Doo Ho Choi í aðalbardaga kvöldsins eftir tæknilegt rothögg í 2. lotu. Þetta var hans fyrsti sigur eftir rothögg síðan 2013 og hefur hann nú unnið tvo bardaga í röð en það hefur ekki gerst síðan 2014.
Jessica-Rose Clark sigraði svo Paige VanZant eftir dómaraákvörðun í næstsíðasta bardaga kvöldsins en eftir bardagann kom í ljós að VanZant handleggsbrotnaði í 1. lotu. Hér má sjá öll önnur úrslit kvöldsins.
Aðalhluti bardagakvöldsins:
Fjaðurvigt: Jeremy Stephens sigraði Doo Ho Choi með tæknilegu rothöggi eftir 2:36 í 2. lotu.
Fluguvigt kvenna: Jessica-Rose Clark sigraði Paige VanZant eftir dómaraákvörðun.
Veltivigt: Kamaru Usman sigraði Emil Weber Meek eftir dómaraákvörðun.
Fjaðurvigt: Darren Elkins sigraði Michael Johnson með uppgjafartaki (rear-naked choke) eftir 2:22 í 2. lotu.
Fox Sports 1 upphitunarbardagar:
Léttvigt: James Krause sigraði Alex White eftir dómaraákvörðunþ
Léttvigt: Polo Reyes sigraði Matt Frevola með rothöggi eftir 1 mínútu í 1. lotu.
Bantamvigt kvenna: Irene Aldana sigraði Talita Bernardo eftir dómaraákvörðun.
Bantamvigt: Kyung Ho Kang sigraði Guido Cannetti með uppgjafartaki (triangle choke) eftir 4:53 í 1. lotu.
Fight Pass upphitunarbardagar:
Fluguvigt kvenna: Jessica Eye sigraði Kalindra Faria eftir klofna dómaraákvörðun.
Strávigt kvenna: JJ Aldrich sigraði Danielle Taylor eftir dómaraákvörðun.
Hentivigt (150 pund): Mads Burnell sigraði Mike Santiago eftir dómaraákvörðun.
