Vigtuninni fyrir UFC 248 var að ljúka. Israel Adesanya, Weili Zhang og Joanna Jedrzejczyk náðu öll vigt snemma en beðið var eftir Yoel Romero.
Formlega vigtunin fyrir UFC 248 fór fram á hóteli bardagamanna í Las Vegas í dag.
Millivigtarmeistarinn Israel Adesanya var fyrstur til að mæta í vigtunina en hann var 184,5 pund eða hálfu pundi undir. Weili Zhang var 115 pund slétt og sömuleiðis andstæðingur hennar, Joanna Jedrzejczyk.
Bardagamenn kvöldsins voru mættir snemma í vigtunina en Romero lét bíða eftir sér. Yoel Romero var síðastur á vigtina en mætti þegar 15 mínútur voru eftir af vigtuninni. Romero var 185 pund og eru því báðir titilbardagarnir á dagskrá.
Emiliy Whitmare mistókst að ná vigt og var 1,5 pundi yfir en allir aðrir voru í tilsettri þyngd.
UFC 248 fer fram á laugardaginn þar sem Israel Adesanya mætir Yoel Romero um millivigtartitilinn og Weili Zhang mætir Joanna Jedrzejczyk um strávigtartitil kvenna.
#UFC248 weigh-in results:@YoelRomeroMMA weighs in at 185.0 lbs.
— Aaron Bronsteter (@aaronbronsteter) March 6, 2020
Main event is OFFICIAL pic.twitter.com/ip5kJx1svz
