Stefan Struve er handviss um að bardagi hans og Antonio „Bigfoot“ Silva fari ekki í dómaraákvörðun. Báðir munu þeir reyna að rota hvorn annan snemma.
Hollendingurinn Stefan Struve getur ekki beðið eftir að fá að berjast í kvöld enda í fyrsta sinn sem hann berst í UFC á heimavelli. Struve segir enga aukna pressu fylgja því að berjast á heimavelli.
Struve mætir Antonio „Bigfoot“ Silva í kvöld í næstsíðasta bardaga kvöldsins. „Þetta er bardagi sem er ekki að fara í dómaraákvörðun. Ég mun leitast eftir sigri með rothöggi, hann mun leita að því sama en ég mun finna rothöggið.“
