Tuesday, March 19, 2024
HomeForsíða7 bardagar falla niður hjá bardagamönnum Mjölnis

7 bardagar falla niður hjá bardagamönnum Mjölnis

Viktor (til hægri) og Julius (til vinstri).

Kórónaveiran hefur áhrif á bardagamenn eins og aðrar stéttir. Ótal bardagakvöld hafa fallið niður og voru nokkrir íslenskir bardagamenn með bardaga sem féllu niður.

Mjölnir var með sjö bardaga staðfesta á næstu vikum sem hafa nú allir fallið niður. Hætt hefur verið verið bardagakvöldin enda lítið um íþróttir um allan heim þessa dagana.

Þeir Julius Bernsdorf (2-2) og Viktor Gunnarsson (0-0) áttu að berjast áhugamannabardaga á NFC bardagakvöldinu í Þýskalandi í vikunni.

Julius er Þjóðverji sem hefur búið á Íslandi undanfarin ár og fylgdist hann vel með fréttum frá Þýskalandi af veirunni. Í síðustu viku ákvað Mjölnir að hætta við bardagana enda óljóst hvort bardagakvöldið myndi fara fram vegna kórónaveirunnar. Á mánudaginn ákvað NFC að hætta við bardagakvöldið og sluppu þeir Julius og Viktor því við fýluferð.

Fjórir Íslendingar áttu að berjast á Rise and Conquer bardagakvöldinu í Sunderland þann 26. apríl en hætt hefur verið við bardagakvöldið vegna kórónaveirunnar.

Bjarki Ómarsson (2-1 sem atvinnumaður) átti að berjast atvinnubardaga í fjaðurvigt á kvöldinu en hann barðist síðast í september í fyrra. Bjarki Eyþórsson (1-0), Kári Jóhannesson (1-2) og Venet Banushi (1-0) voru síðan allir með áhugamannabardaga á sama kvöldi en ekkert verður úr bardögum þeirra.

Björn Lúkas Haraldsson (7-1 sem áhugamaður) átti að berjast sinn fyrsta atvinnubardaga í Svíþjóð í apríl en hætt hefur verið við bardagakvöldið og fær hann því ekki sinn fyrsta atvinnubardaga í bráð.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular