Eins og við var að búast var mikil eftirspurn eftir miðum á UFC bardagakvöldið í Rotterdam. Gunnar Nelson mætir Albert Tumenov á bardagakvöldinu og eru fáir miðar eftir.
Forsalan fór fram á þriðjudag og miðvikudag en almenn miðasala hófst í dag. 95% miðanna hafa nú þegar verið seldir og aðeins VIP og sérstakir platínu miðar eftir.
Þetta er fyrsta bardagakvöld UFC í Hollandi en þremur tímum eftir að almenna miðasalan hófst í dag var búið að selja 95% af miðunum.
Hollendingurinn Alistair Overeem mætir Andrei Arlovski í aðalbardaga kvöldsins en bardagakvöldið er farið að taka á sig ansi góða mynd. Bardagakvöldið fer fram þann 8. maí í Ahoy Arena í Rotterdam.
Þungavigt: Alistair Overeem gegn Andrei Arlovski
Veltivigt: Gunnar Nelson gegn Albert Tumenov
Þungavigt: Stefan Struve gegn Antonio ‘Bigfoot’ Silva
Veltivigt: Dominic Waters gegn Peter Sobotta
Léttvigt: Chris Wade gegn Rashid Magomedov
Léttvigt: Reza Madadi gegn Yan Cabral
Millivigt: Garreth McLellan gegn Magnus Cedenblad
Léttvigt: Nick Hein gegn Jon Tuck
