0

Alan Jouban meiddur og getur ekki barist í júlí

Mynd: Sóllilja Baltasardóttir.

Alan Jouban þarf að bíða aðeins lengur eftir því að komast aftur á sigurbraut eftir tapið gegn Gunnari Nelson. Jouban fékk nýlega bardaga í júlí en þarf nú að draga sig úr bardaganum vegna meiðsla.

Alan Jouban tapaði fyrir Gunnari Nelson á UFC bardagakvöldinu í London í mars. Í síðustu viku fékk Jouban bardaga gegn Brian Camozzi á UFC 213 þann 8. júlí en hefur nú þurft að draga sig úr bardaganum vegna meiðsla.

Jouban er fótbrotinn og getur því ekki barist. „Kom í ljós að ég er með beinbrot í fætinum eftir sparr á föstudaginn. Ég hef verið að æfa fótbrotinn í þrjá daga. Það kemur í veg fyrir að ég berjist þann 8. júlí. Ég er dálítið vonsvikinn. Ég hef verið við góða heilsu og æft mjög vel undanfarna tvo mánuði. Svo loksins þegar ég fæ bardaga meiðist ég,“ sagði Jouban á Instagram.

UFC leitar nú að nýjum andstæðingi fyrir Camozzi. Jouban ætlar þó ekki að vorkenna sér lengi og skellti sér á styrktaræfingu í gær.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply