Fyrsta UFC kvöld ársins fer fram á morgun á bardagaeyjunni. Vigtuninni var að ljúka og náðu allir bardagamenn vigt.
UFC Fight Night: Holloway vs. Kattar fer fram á morgun þar sem 11 bardagar verða á dagskrá. Bardagakvöldið er sýnt í Bandaríkjunum á ABC sjónvarpsstöðinni en verður auðvitað á sínum stað á Fight Pass og ViaPlay hér á Íslandi.
Max Holloway átti greinilega góðan niðurskurð þar sem hann var tilbúinn í vigtunina 20 mínútur áður en hún hófst og með þeim fyrstu til að stíga á vigtina. Holloway var 146 pund rétt eins og andstæðingur hans, Calvin Kattar.
Þar sem allir náðu vigt eru allir bardagarnir á dagskrá fyrir bardagakvöldið annað kvöld. Bardagakvöldið er á besta tíma hér heima en fyrsti bardagi kvöldsins hefst kl. 17:00 en aðalhluti bardagakvöldsins hefst kl. 20:00.
