Friday, March 29, 2024
HomeErlentAnthony Joshua og Andy Ruiz Jr. mætast aftur um helgina

Anthony Joshua og Andy Ruiz Jr. mætast aftur um helgina

Þeir Anthony Joshua og Andy Ruiz jr. mætast aftur á laugardaginn. Ruiz sigraði Joshua mjög óvænt fyrr á árinu og fær Joshua tækifæri á að hefna fyrir tapið.

Þeir Anthony Joshua og Andy Ruiz Jr. mættust í sumar í Madison Square Garden. Upphaflega átti Joshua að mæta Jarrell Miller en eftir að Miller féll á lyfjaprófi kom Ruiz inn með rúmum mánaðar fyrirvara. Ruiz rotaði Joshua í 7. lotu og voru það gríðarlega óvænt úrslit.

Annar bardagi þeirra á milli var settur saman og fer fram nú á laugardaginn í Sádi Arabíu. Bardaginn er því á fínum tíma hér á Íslandi og ætti aðalbardaginn að hefjast um kl. 20-21:00 á íslenskum tíma.

Þrátt fyrir tapið síðast er Joshua sigurstranglegri hjá veðbönkum. Ruiz var þyngri í vigtuninni í dag heldur en fyrir fyrri bardagann. Ruiz var 283 pund (um 128 kg) og 15 pundum þyngri heldur en síðast. Ruiz hefur ekki verið svona þungur síðan í fyrsta atvinnubardaga sínum. Joshua var síðan 237 pund (107,5 kg) en hann hefur ekki verið svona léttur í fimm ár.

Bardagar kvöldsins:

Þungavigt: Andy Ruiz Jr. gegn Anthony Joshua
Þungavigt: Alexander Povetkin gegn Michael Hunter
Þungavigt: Dillian Whyte gegn Mariusz Wach
Þungavigt: Filip Hrgović gegn Éric Molina
Þungavigt: Mahammadrasul Majidov gegn Tom Little
Léttvigt: Zuhayr Al Qahtani gegn Omar Dusary
Ofur millivigt: Diego Pachecogegn Selemani Saidi               
Fjaðurvigt: Hopey Price gegn Swedi Mohamed                     
Léttvigt: Majid Al Naqbi gegn Ilia Beruashvili

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular