Anthony Pettis var ekki lengi atvinnulaus. Eftir að hafa yfirgefið UFC hefur Pettis nú samið við PFL.
Anthony Pettis sigraði Alex Morono um síðustu helgi og var það síðasti bardaginn hans á samningnum við UFC. Pettis tilkynnti síðan fyrr í vikunni að hann hefði ákveðið að yfirgefa UFC. Aðeins degi síðar var hann búinn að semja við Professional Fighters League, PFL.
IT’S SHOWTIME!
— PFL MMA (@ProFightLeague) December 23, 2020
Welcome to the PFL, @Showtimepettis! pic.twitter.com/FwPDt3ozhF
Pettis mun berjast í léttvigtarmóti PFL á næsta ári en Natan Schulte er ríkjandi meistari þar.
PFL hélt ekki eitt bardagakvöld á þessu ári vegna kórónuveirunnar en setur stefnuna á gott ár 2021. PFL hefur nýlega samið við Fabricio Werdum og Clarissa Shields, heimsmeistara í boxi, og nú hefur Pettis bæst í hópinn.
