Eins og flestum ætti að vera kunnugt um mætir Ísland landsliði Argentínu á HM í knattspyrnu í dag. Argentínumaðurinn Santiago Ponzinibbio setti inn á dögunum smá pepp myndband fyrir leikinn.
Hinn umdeildi Santiago Ponzinibbio sigraði Gunnar Nelson með rothöggi í fyrra. Á dögunum birti hann hvetjandi myndband á Instagram síðunni sinni fyrir landsleik Íslands og Argentínu.
„Hefjum heimsmeistarakeppnina. Fyrsti leikurinn er við Ísland. Vitið þið hvernig fór síðast þegar löndin mættust?“ segir í myndbandinu og birtir hann brot úr sigrinum gegn Gunnari. Að lokum segir hann „Áfram Argentína!“ en leikurinn hefst kl. 13 í dag.
