Átta Íslendingar keppa á Evrópumótinu í brasilísku jiu-jitsu sem fram fer í Lissabon í Portúgal. Mótið hefst í dag en íslensku keppendurnir mættu til Lissabon í gær.
Keppendurnir átta keppa öll undir merkjum Mjölnis og öll eru þau með fjólublátt belti. Fyrstu glímur Íslendinganna fara fram á morgun, miðvikudag. Keppendurnir átta eru:
Aron Elvar Jónsson (-76 kg)
Kristján Einarsson (-82,3 kg)
Davíð Freyr Hlynsson (-82,3 kg)
Þórhallur Ragnarsson (-94,3 kg)
Ingibjörg Birna Ársælsdóttir (-58,5 kg)
Pétur Óskar Þorkelsson (-70 kg)
Ari Páll Samúelsson (-82,3 kg)
Brynjar Örn Ellertsson (+100,5 kg)
Öll keppa þau í fullorðinsflokki (18-30 ára) nema Brynjar og Ari en þeir keppa í flokki 30-35 ára.
Aron Elvar, Kristján, Davíð, Þórhallur og Pétur keppa á morgun en Ingibjörg á fimmtudaginn. Á föstudaginn keppa þeir Brynjar og Ari í sínum flokkum.
