Bellator 250 fer fram í kvöld í Bandaríkjunum. Í aðalbardaga kvöldsins mætast þeir Douglas Lima og Gegard Mousasi um millivigtartitilinn.
Millivigtartitillinn í Bellator er laus eftir að Rafael Lovato Jr. lét beltið af hendi fyrr á árinu. Lovato gekkst undir heilaskanna í fyrra þar sem sáust nokkrir blóðpokar í heilanum á stærð við poppkorn en einn þeirra var á stærð við golfbolta. Lovato hefur sett MMA ferilinn á bið á meðan hann fer í frekari rannsóknir.
Lovato tók titilinn af Gegard Mousasi í júní í fyrra. Þar sem hann getur ekki varið titilinn sinn munu þeir Mousasi og Douglas Lima mætast um titilinn í kvöld. Lima er ríkjandi veltivigtarmeistari og getur orðið tvöfaldur meistari með sigri á Mousasi.
Það lítur út fyrir að allir bardagarnir verði í beinni á Youtube rás Bellator í kvöld. Fyrsti bardagi kvöldsins hefst kl. 21:15 en aðalhluti bardagakvöldsins hefst á miðnætti.
Aðalhluti bardagakvöldsins (hefst á miðnætti):
Titilbardagi í millivigt: Gegard Mousasi gegn Douglas Lima
Fjaðurvigt: Henry Corrales gegn Brandon Girtz
Fluguvigt kvenna: Veta Arteaga gegn Desiree Yanez
Upphitunarbardagar (hefjast kl. 21:15):
