Íslandsvinurinn Cathal Pendred er óvænt kominn með bardaga á UFC 189. Pendred mætir John Howard en Howard átti upphaflega að mæta Brandon Thatch. Hvers vegna Thatch var skipt út er ekki vitað.
Cathal Pendred sigraði Augusto Montano fyrr í mánuðinum í Mexíkó og óskaði eftir því að fá að berjast aftur sem fyrst. Hann hefur nú fengið ósk sýna uppfyllta og mun reyna að vera sá fyrsti til að sigra fyrstu fimm bardaga sína í UFC á innan við 12 mánuðum.
Hann mun mæta John Howard þann 11. júlí en frá þessu greinir írski miðillinn Severe MMA. Engar fregnir eru af því hvort Brandon Thatch sé meiddur eða ekki. Hugsanlega ætlar UFC að láta Thatch mæta Gunnari í staðinn. Það eru þó allt aðeins vangaveltur og gæti Thatch einnig hafa meiðst á þessum undarlega degi.
Cathal Pendred er æfingafélagi Gunnars og tilheyrir SBG liðinu í Írlandi.
