Conor McGregor mætir Jose Aldo um fjaðurvigtartitilinn þann 11. júlí á UFC 189. Fregnir af rifbeinsmeiðslum Aldo skutu bardagaaðdáendum skelk í bringu en bardaginn er enn á dagskrá.
Írinn skemmtilegi segir að ef það verður Aldo sem stendur andspænis honum í búrinu þann 11. júlí þurfi Aldo ekki að hafa áhyggjur af rifbeinunum.
„Ég mun miða í hökuna; ég ætla að rota hann. Hann þarf ekki að hafa áhyggjur af rifbeinunum sínum þar sem ég ætla ekki að miða sérstaklega á eitt svæði. Ef hann mætir og berst, eins og hann ætti að gera, berjumst við eins og upphaflega var áætlað,“ segir McGregor í viðtali við MMA Junkie.
„Ég ætla bara að berjast minn bardaga. Ég ætla að hitta á hökuna,“ segir McGregor en bardaginn er sá stærsti í sögu fjaðurvigtarinnar og gríðarlega mikið í húfi.
Viðtalið í heild sinni má sjá hér að neðan.
Conor McGregor tells Jose Aldo to worry about… by usatodaysports
