0

Conor McGregor mætir Dustin Poirier í janúar (staðfest)

Conor McGregor er búinn að skrifa undir samning þess efnis að berjast í janúar. Conor mætir Dustin Poirier þann 23. janúar.

Allt er klappað og klárt fyrir bardaga Conor McGregor og Dustin Poirier í janúar. Samkvæmt heimasíðu Conor, Mac Life, skrifaði Conor undir bardagasamninginn á dögunum. Dustin Poirier skrifaði undir í síðustu viku.

Bardaginn verður í léttvigt en þetta verður fyrsti bardagi Conor í léttvigt síðan hann tapaði fyrir Khabib Nurmagomedov í október 2018. Síðast sáum við Conor mæta Donald Cerrone í janúar á þessu ári en sá bardagi fór fram í veltivigt.

Bardaginn gegn Poirier er endurat en kapparnir áttust við í september 2014. Þar sigraði Conor eftir tæknilegt rothögg í 1. lotu en sá bardagi fór fram í fjaðurvigt. Síðan þá hefur Conor unnið 6 bardaga, tapað tveimur og unnið tvo titla í UFC. Dustin hefur unnið 10 bardaga, tapað tveimur og varð bráðabirgðarmeistari í léttvigt árið 2019.

Bardaginn verður aðalbardaginn á UFC 257 þann 23. janúar en talið er að bardaginn verði í Abu Dhabi. Báðir hafa heitið því að gefa góða upphæð til góðgerðarsamtaka Dustin, Good Fight Foundation, eftir bardagann.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

Your email address will not be published.

This site uses Akismet to reduce spam. Learn how your comment data is processed.