Conor McGregor var í viðtali við ESPN í gær eftir blaðamannafundinn í gær. Þar lét hann enn á ný ýmislegt flakka og talaði m.a. um fáranlegar ásakanir Nate Diaz í sinn garð varðandi steranotkun.
Seint á þriðjudaginn var Nate Diaz staðfestur sem andstæðingur Conor McGregor á UFC 196. Hann kemur í stað Rafael dos Anjos með aðeins 11 daga fyrirvara. Bardaginn fer fram í veltivigt og telja margir að langur faðmur Nate Diaz gæti orðið vandamál fyrir McGregor sem hefur hingað til verið hærri en andstæðingar sínir í UFC.
„Langi faðmurinn hans er bara tálsýn. Vinstra upphöggið verður þarna og mun smellhitta á hann,“ sagði McGregor um Diaz. „Ég held að hann sé of fyrirsjáanlegur í öllu sem hann gerir. Hann hefur vanrækt aðrar bardagaíþróttir og það hefur hamlað þróun Diaz bræðranna sem bardagalistamenn. Ég held að líkaminn hans verði sundurtættur eftir bardagann. Hann er með mjúkan ramma.“
Viðtalið í heild sinni má sjá hér að neðan þar sem hann kemur nánar inn á fáranlegar ásakanir Diaz.
