Gunnar Nelson sigraði Zak Cummings með hengingu eftir 4:43 í annarri lotu. Hann talaði vel um Gunnar eftir bardagann.
Þetta var fjórði sigur Gunnars í UFC í jafnmörgum bardögum í samtökunum en hann er svo sannarlega á hraðri uppleið. Aftur á móti var þetta fyrsta tap Zak Cummings en hann talaði vel um Gunnar eftir bardagann. “Mér leið vel í búrinu en ég gerði ein mistök og hann nýtti sér það. Gunnar er mjög góður. Hann er snjall, snöggur og var mjög auðmjúkur eftir sigurinn,” sagði Cummings stuttu eftir bardagann.
Þetta var fimmti sigur Gunnars eftir “rear naked choke” en um leið og hann nær bakinu virðist hann alltaf ná að klára bardagann. Bardagaskor hans samanstendur nú af 13 sigrum en þar af eru átta eftir uppgjafartök.
