Dana White var í viðtali hjá Colin Cowherd fyrr í dag. Forseti UFC fór um víðan völl og talaði m.a. um Floyd Mayweather, mögulega sölu á UFC og Conor McGregor.
Einhverjir hafa haldið því fram Floyd Mayweather og Conor McGregor gætu mæst í boxi en White segir að það sé ekki að fara að gerast enda McGregor með samning við UFC. Hann sagði þó að Floyd Mayweather mætti endilega hringja í sig.
White talaði einnig um Conor McGregor og segir að þeir muni eiga kvöldverð saman á næstunni. Deilur þeirra var einungis smá hraðahindrun og munu þeir halda áfram að eiga góð viðskipti saman.
Viðtalið í heild sinni má hlusta á hér:
