Diego Björn Valencia berst sinn annan atvinnubardaga á laugardaginn í Danmörku. Bardaginn fer fram á ICE FC 15 bardagakvöldinu.
Diego mætir Dananum Mikkel Kasper en samkvæmt Sherdog gagnabankanum er hann 1-0 sem atvinnumaður og vann alla þrjá áhugamannabardaga sína. Áhugamannabardagarnir gætu þó verið fleiri en þeir sem skráðir eru á Sherdog. Báðir eru því með einn sigur í einum atvinnubardaga.
ICE FC bardagasamtökin halda reglulega bardagakvöld í Bretlandi en munu nú mæta til Danmerkur. Bardagasamtökin eru í samstarfi við bandarísku bardagasamtökin WSOF.
Diego hefur ekkert barist síðan í september 2014 og er hann spenntur fyrir því að komast aftur í búrið.
Bardaginn fer fram í Kaupmannahöfn og hvetjum við Íslendinga í Danmörku til að mæta og styðja Diego. Nánari upplýsingar um viðburðinn má nálgast hér.
