Í dag fer þriðji dagur Evrópumótsins í brasilísku jiu-jitsu fram í Lissabon í Portúgal. Þrír Íslendingar voru skráðir til leiks á mótið sem klárast á sunnudaginn.
Eiður Sigurðsson úr Mjölni átti að keppa í gær í -88,3 kg flokki fjólublábeltinga. Því miður meiddist Eiður skömmu fyrir mótsdag og gat því ekki keppt í gær.
Á miðvikudaginn keppti Aron Elvar Jónsson í risastórum flokki -76 kg blábeltinga og vann fyrstu þrjár glímurnar en féll úr leik í 4. glímu.
Í dag mun síðasti Íslendingurinn keppa. Hafdís Vera Emilsdóttir úr Mjölni keppir í -69 kg flokki blábeltinga, 30-36 ára, í dag. Fyrsta glíma hennar er gegn Marie Wilson frá Combat Base UK og ætti að hefjast um kl 11.
