Íslendingarnir Eiður Sigurðsson og Sigurvin Eðvarðsson kepptu á Finnish Open á laugardaginn. Báðir tóku þeir brons í sínum flokki.
Mótið var nokkuð stórt en um 289 keppendur frá 13 löndum voru skráðir til leiks. Keppt var í nogi (án galla) í belta- og þyngdarskiptum flokkum.
Sigurvin Eðvarðsson er búsettur í Finnlandi þar sem hann æfir hjá BJJ Center í Helsinki. Sigurvin keppti í -85,5 kg flokki fjólublábeltinga og fékk bronsið.
Eiður Sigurðsson keppti fyrir hönd Mjölnis og nældi sér einnig í brons. Hann keppti í -91,5 kg flokki fjólublábeltinga en þetta var sjöunda mótið sem Eiður keppti á í ár. Eftir að hafa sigrað fyrstu tvær glímurnar sínar (eina með „guillotine“ hengingu og aðra á stigum) tapaði hann á stigum í undanúrslitum.
