Fyrrum Bellator meistarinn Ben Askren er talinn hafa samið við asísku bardagasamtökin ONE FC. Fastlega var búist við að Askren myndi semja við UFC eftir að Bellator leyfði honum að fara og koma þessar fréttir því talsvert á óvart.
Ben Askren vildi ólmur semja við UFC og fá bardaga við George St. Pierre en samningaviðræður stóðu yfir í síðustu viku. Greinilega hefur Askren ekki náð samkomulagi við UFC ef hann semur við ONE FC. Ben Askren (12-0) er án nokkurs vafa nægilega góður til að berjast í UFC en hefur verið harðlega gagnrýndur fyrir tilþrifalitla bardaga. Hann yfirbugar andstæðinga sína með frábæru glímuhæfileikum sínum en hefur þrátt fyrir það átt í erfiðleikum með að valda mikinn skaða í toppstöðu og klára andstæðinga sína. Hann kláraði reyndar síðustu tvo andstæðinga sína í Bellator en það var ekki nóg til að heilla marga bardagaáhugamenn sem eru enn á því að hann sé leiðinlegur bardagamaður.
Með því að semja ekki við Askren er UFC að senda ákveðin skilaboð. Það er ekki nóg að vera ósigraður og góður bardagamaður, þú þarft að vera spennandi líka. Ben Askren hefur klárlega getuna til að keppa við þá allra bestu en það er erfitt að láta reyna á það þegar þeir allra bestu eru allir í UFC. Einnig er UFC í rauninni að segja að ósigraði Bellator veltivigtarmeistarinn sé ekki nægilega góður fyrir þá.
ONE FC leyfa spörk og hnéspörk í höfuð á gólfinu, ólíkt Bellator og UFC, en það verður áhugavert að sjá hvernig Askren tekst á við þá breytingu. Þó Askren sé ekki mest spennandi bardagamaðurinn þá er þetta leiðinlegt fyrir íþróttina að UFC vilji ekki semja við topp bardagamann sem á klárlega að fá tækifæri á að berjast við þá bestu.
-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Viaplay
- Tappvarpið #141: Frábær sigur Gunnars og UFC 286 uppgjör - March 22, 2023
- Gunnar með flest uppgjafartök í sögu veltivigtarinnar - March 19, 2023
- Gunnar Nelson með sigur í 1. lotu - March 18, 2023
Askren er hrokafullur drulluhali sem hikar ekki við að niðurlægja andstæðinga sína. Ég gleymi ekki bardaganum þar sem ahnn sat á baki andstæðingsins og öskraði “USA”. Þá var hann búinn að þreyta andstæðinginn með glímubrögðum og öðru sem skilaði engum árangri í tæpar þrjár lotur. Svo var andstæðingurinn á fjórum fótum og Askren sat á baki hans og þóttist vera á hestbaki. Þetta var ömurlgea niðurlægjandi fyrir andstæðinginn og mjög óíþróttamannleg hegðun af hálfu Askren. Skil UFC mjög vel að hafa ekki gert samning við þetta skoffín.