Á miðvikudaginn síðastliðinn héldu fjórir keppendur frá RVK MMA út til Englands. Í kvöld keppa þeir svo áhugamannabardaga í MMA undir merkjum World Kickboxing Federation: Warriors Fight Night, en allur ágóði viðburðarins rennur til góðgerðamála. Keppendurnir fjórir eru mis reynslumiklir en þar ber helst að nefna Krzysztof Porowski (3-1) en hann keppir um veltiviktartitil samtakanna. Yonatan Francisco (1-0) keppir sinn annan bardaga á tæpum tveimur mánuðum en hann sigraði síðast andstæðing sinn með rothöggi á Spáni í mars. Arnar Bjarnason og Helgi Idder þreyta síðan frumraun sína í búrinu. Báðir hafa þeir æft bardagaíþróttir í fjölmörg ár og er því vel undirbúinn.
Íslendingar eru aftur farnir að láta til sín taka í MMA senunni eftir Covid þar sem að ferðatakmarkanir eru orðnar minni og auðveldara er að skipuleggja keppnisferðir en þess má geta að þetta er í þriðja sinn í ár sem RVK MMA sendir keppendur erlendis.
