Það hafa ekki mikið af stórtíðindum borist á þessu ári úr MMA heiminum. Eitt og annað hefur þó gerst á síðustu dögum sem við förum lauslega yfir.
Meistarinn í aðgerð
Demetrious Johnson fór nýverið undir hnífinn. Johnson fór í aðgerð á öxl á miðvikudaginn en ekki er vitað hve lengi Johnson verður frá. UFC vonast eftir að bóka Johnson gegn bantamvigtarmeistaranum T.J. Dillashaw en samkomulag hefur ekki náðst. Bardaginn mun í fyrsta lagi fara fram í apríl ef af honum verður.
Pettis í London
Fyrrum léttvigtarmeistarinn Anthony Pettis langar að berjast á bardagakvöldinu í London í mars. Pettis hefur aldrei farið til London og hefur alltaf langað að berjast þar. Pettis er ekki með neinn óskamótherja í huga en orðrómur um bardaga gegn Mairbek Taisumov hefur verið í loftinu.
Nýtt plakat
UFC birti í vikunni nýtt plakat fyrir UFC 221 sem fer fram í Ástralíu þann 11. febrúar. Plakatið þykir nokkuð umdeilt enda mjög líkt plakatinu fyrir UFC 210. Þá þykja stjörnurnar í kringum Luke Rockhold undarlegar.
