Gunnar Nelson birti fyrir skömmu mynd af sér á Instagram á glænýju Harley Davidson hjóli. Hjólið er síðbúin afmælisgjöf frá forseta UFC.
Gunnar Nelson hitti Dana White á fundi eftir UFC 189 fyrr í sumar. Aðspurður hvað hefði farið fram á fundinum sagðist Gunnar vera að rukka Dana White um Harley-hjólið sem hann lofaði honum. Hann hefur nú fengið hjólið í hendurnar og virtist alsæll með það. Ætla má að Conor McGregor hafi átt einhvern þátt í gjöfinni enda þakkaði Gunnar honum í Instagram póstinum.
Gunnar er nú staddur í Las Vegas þar sem hann aðstoðar Conor McGregor við þjálfun á The Ultimate Fighter.
