Friday, March 29, 2024
HomeForsíðaGunnar segist vera til í bardaga gegn Darren Till

Gunnar segist vera til í bardaga gegn Darren Till

Darren Till leitar nú að sínum næsta andstæðingi. Gunnar Nelson hefur nú boðið fram þjónustu sína og segist vera til í Darren Till.

Darren Till vonaðist eftir að fá bardaga gegn Stephen ‘Wonderboy’ Thompson í febrúar. Dana White tilkynnti að þeir myndu mætast en skömmu síðar lét faðir Thompson það eftir sér að þeir hefðu aldrei samþykkt bardagann.

Till setti þá færslu á Instagram þar sem hann sagði að allir væru hræddir við sig. Till hefur hlotið mikinn meðbyr eftir að hann rotaði Donald ‘Cowboy’ Cerrone í október. Hann tók hástökk upp styrkleikalistann eftir sigurinn og vill fá stóran bardaga næst. Till er frá Liverpool en talið er að UFC muni halda bardagakvöld í Liverpool þann 24. febrúar.

Gunnar svaraði færslu Till og sagðist vera til í slaginn. Nú er að sjá hvort Till taki áskorun Gunnars og hvort UFC setji þennan bardaga saman. Gunnar virðist núna vera tilbúinn að fara aftur á fulla ferð eftir tapið gegn Santiago Ponzinibbio í sumar.

 

 

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular