Tveir keppendur frá VBC kepptu á Muay Thai móti í Svíþjóð í gær en báðir náðu þeir sigri.
Þorgils Eiður Einarsson var fyrstur inn en hann keppti í -71 kg flokki í C-class. Þorgils mætti Pontus Harryson frá Halmstad Fighters og sigraði með rothöggi í 2. lotu. Þorgils kláraði þetta með flottu framsparki í andlitið en bardaga hans má sjá hér að neðan.
Hróbjartur Trausti Árnason mætti síðan Nils Borglund frá Växö Titans í -81 kg flokki en bardaginn fór einnig fram undir C-class regluverki. Hróbjartur sigraði eftir dómaraákvörðun, 2-1, en þetta var hans fyrsti Muay Thai bardagi.
Vel gert hjá þeim Þorgils og Hróbjarti!
