Það var greinilegt að íþróttaaðdáendur voru þyrstir í íþróttir í faraldinum. Nokkrar veðmálasíður hafa greint frá því að met hafi fallið um síðustu helgi í fjölda veðmála.
Veðmálasíðurnar Bovada, DraftKings og Pointsbet USA hafa greint frá því að aldrei áður hafi svo margir veðjað á UFC bardaga eins um helgina. Þar sem lítið er um íþróttaviðburði í heiminum þessa stundina voru greinilega fleiri að veðja á UFC bardaga heldur en áður.
Hjá Bovada var fyrra metið á UFC 229 þegar Conor McGregor mætti Khabib Nurmagomedov. Fyrra metið hjá Pointsbet USA var þegar Conor mætti Donald Cerrone í janúar en metið hjá DraftKings féll áður en aðalhluti bardagakvöldsins byrjaði.
Það verður áhugavert að sjá hve margir veðja á bardagakvöldið í kvöld og á laugardaginn.
