Michael Bisping ætlar að hætta eftir sinn næsta bardaga. Nú hefur hann lýst því yfir að hann hafi áhuga á að berjast á UFC bardagakvöldinu í Liverpool í maí.
Liverpool maðurinn Darren Till verður í aðalbardaga kvöldsins gegn Stephen Thompson. Gunnar Nelson mætir svo Neil Magny í næstsíðasta bardaga kvöldsins og er bardagakvöldið orðið nokkuð veglegt.
Í hlaðvarpi Michael Bisping, Believe you me, segist hann vera til í að taka kveðjubardaga sinn í Liverpool. Eftir langan feril hefur hinn 39 ára gamli Bisping ákveðið að leggja hanskana á hilluna eftir sinn næsta bardaga.
„UFC, ég er laus. Þið eruð með númerið mitt ef þið viljið mig á bardagakvöldið. Það væri fínt að taka kveðjubardagann þarna. Liverpool, Norð-Vestur England, þaðan er ég,“ sagði Bisping.
„Ég er búinn að tala við UFC og er að spila smá leik hérna. Ég sagði við UFC að henda nokkrum nöfnum í mig og svo sjáum við til. Sjáum hvað þeir koma með til baka.“
Ef Bisping endar á bardagakvöldinu mun bardagi hans sennilega vera næstsíðasti bardagi kvöldsins. Talað hefur verið um Vitor Belfort sem mögulegan andstæðing enda hefur verið rígur á milli þeirra um nokkurt skeið. Belfort er hins vegar sjálfur að taka kveðjubardaga sinn nokkrum vikum áður gegn Lyoto Machida.
-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Viaplay
- Tappvarpið #141: Frábær sigur Gunnars og UFC 286 uppgjör - March 22, 2023
- Gunnar með flest uppgjafartök í sögu veltivigtarinnar - March 19, 2023
- Gunnar Nelson með sigur í 1. lotu - March 18, 2023
