Miðasalan á UFC 229 þar sem þeir Conor McGregor og Khabib Nurmagomedov mætast hófst í dag. Miðaverð er í hærri kantinum og eru miðarnir dýrari en fyrir síðustu bardaga Conor í UFC.
UFC 229 fer fram þann 6. október í Las Vegas og byrjaði miðasalan í dag. Ódýrustu miðarnir eru á 205 dollara (22.500 ISK) en þeir dýrustu á 2.505 dollara (274.000 ISK).
Áhugavert er að sjá að miðaverð er hærra núna en fyrir tvo síðustu bardaga hjá Conor í UFC.
A comparison of the ticket prices announcements for Conor McGregor’s last three UFC fights.
UFC 202: $1,292, $880, $674, $520, $365, $211
UFC 205: $1,250, $750, $600, $450, $300, $200, $100#UFC229: $2,505, $2,005, $1,505, $1,005, $755, $555, $405, $355, $305, $255, $205
— Shaheen Al-Shatti (@shaunalshatti) August 14, 2018
Bardagakvöldið fer fram í T-Mobile Arena í Las Vegas en höllin tekur um 18.000 manns í sæti. Síðast þegar Conor barðist í höllinni (UFC 202) voru tekjur af miðasölunni um 7,7 milljónir dollara. Hæstu tekjur UFC af miðasölu var á UFC 205 í Madison Square Garden en þar nam miðasalan 17 milljónum dollara.
Bardagakvöldið er ekki beint stútfullt af stjörnum eins og er. Næstsíðasti bardagi kvöldsins verður þungavigtarbardagi Derrick Lewis og Alexander Volkov. Bardagakvöldið væri því ansi tómlegt án aðalbardaga kvöldsins en fleiri bardaga á eftir að bóka á bardagakvöldið.
Titilbardagi í léttvigt: Conor McGregor gegn Khabib Nurmagomedov
Þungavigt: Derrick Lewis gegn Alexander Volkov
Fluguvigt: Sergio Pettis gegn Jussier Formiga
Veltivigt: Ryan LaFlare gegn Tony Martin
Strávigt kvenna: Michelle Waterson gegn Felice Herrig
Léttþungavigt: Ovince Saint Preux gegn Dominick Reyes
Bantamvigt kvenna: Lina Lansberg gegn Yana Kunitskaya
Bantamvigt: Sean O’Malley gegn Jose Quinonez
