Mjölnir Open fer fram í ellefta sinn á laugardaginn í húsakynnum Mjölnis. Keppt er í uppgjafarglímu án galla og lýkur skráningu á morgun.
Mótið hefst kl 11 á laugardaginn og fer keppni fram í fimm þyngarflokkum karla og þremur þyngdarflokkum kvenna auk opinna flokka. Mótið er nokkurs konar óopinbert Íslandsmeistaramót í uppgjafarglímu án galla en keppendur geta skráð sig á heimasíðu Mjölnis hér. Síðasti séns til að skrá sig er á miðvikudaginn kl. 21:00 en skráningargjald eru 4.000 kr.
Keppendur mega vigta sig inn á föstudag milli kl. 17 og 19:00 í Mjölni. Aðgangseyrir fyrir áhorfendur eru 500 kr. á laugardaginn en húsið opnar kl 10:00.
