UFC frumsýndi í gær frábæra stiklu fyrir UFC bardagakvöldið í New York í nóvember. UFC 205 verður eitt stærsta bardagakvöld allra tíma og er spennan orðin gríðarleg.
UFC 205 fer fram í Madison Square Garden í New York en þetta verður fyrsta bardagakvöld UFC í New York ríki síðan UFC 7 fór fram í september 1995.
Conor McGregor berst í aðalbardaga kvöldsins gegn Eddie Alvarez um léttvigtarbeltið en tveir aðrir titilbardagar verða á dagskrá. Fyrsta titilvörn Tyron Woodley fer fram á kvöldinu en hann mætir Stephen Thompson. Þá mun Joanna Jedrzejczyk mæta Karolinu Kowalkiewicz um strávigtartitilinn.
https://www.youtube.com/watch?v=fIYJjDN921M
