Paige VanZant fór í sína þriðju aðgerð á framhandleggi á dögunum. VanZant birti myndir úr aðgerðinni sem eru einfaldlega hryllilegar.
Paige VanZant hefur verið í vandræðum með framhandlegginn um nokkurt skeið. VanZant mætti Jessica-Rose Clark í janúar 2018 og braut handlegginn í bardaganum.
Eftir bardagann fór hún í skurðaðgerð á framhandleggnum en aðgerðin gekk ekki nógu vel svo hún þurfti að fara í aðra aðgerð í júní 2018. VanZant barðist síðan í ársbyrjun 2019 þegar hún sigraði Rachael Ostovich.
VanZant vonaðist eftir bardaga í sumar en í mars kom í ljós að hún hafði aftur brotið á sér handlegginn. Í fyrstu var talið að nóg væri að hvíla en VanZant þurfti á endanum að fara aftur undir hnífinn.
VanZant fór í aðgerðina á fimmtudaginn en þetta var þriðja aðgerðin á 18 mánuðum á sama handlegg. Málmstöngin í handleggnum hennar var löguð til en VanZant sýndi myndir úr aðgerðinni á Instagram sem eru vægast sagt ógeðslegar.
Við vörum við myndunum í færslunni.
