Francis Ngannou sigraði Stipe Miocic um helgina. Með sigrinum tryggði hann sér þungavigtartitilinn og var vel fagnað heima í Kamerún.
Francis Ngannou kemur frá Kamerún og var eðlilega mikið fagnað þegar hann kláraði Stipe Miocic með rothöggi í 2. lotu. Það er óhætt að segja að allt hafi orðið vitlaust þegar hann kláraði bardagann.
„Fólkið er að fagna. Ég hringdi í mömmu en gat ekki talað við hana, það er ekki hægt að ná í neinn í Kamerún núna. Það er allt sturlað þar, það er ótrúlegt. Síðast [þegar ég mætti Stipe Miocic] voru sorgartár, það var slæmt en núna eru þetta gleðitár,“ sagði Ngannou á blaðamannafundinum eftir bardagann.
Myndband af fögnuðinum má sjá hér að neðan.
