Colby Covington sigraði Robbie Lawler á UFC bardagakvöldinu í Newark í gær. Eftir bardagann fékk hann símtal frá forsetanum Donald Trump.
Colby Covington vann allar fimm loturnar gegn Robbie Lawler í gær. Covington átti frábæra frammistöðu og hefur nú tryggt sér titilbardaga gegn Kamaru Usman síðar á árinu.
Synir forseta Bandaríkjanna, þeir Donald Trump Jr. og Eric Trump, voru viðstaddir bardagann. Covington er mikill stuðningsmaður Donald Trump og fékk símtal frá sjálfum forsetanum eftir bardagann. Covington heimsótti Hvíta húsið í fyrra og hitti þá Donald Trump.
Colby Covington got a call from @realDonaldTrump after #UFCNewark!? No big deal… ? pic.twitter.com/g3zPIjCifm
— UFC Europe (@UFCEurope) August 4, 2019
Forsetinn sendi Covington líka góðar kveðjur fyrir bardagann.
Fight hard tonight Colby. You are a real Champ! #MAGA https://t.co/dj3JlWQu7i
— Donald J. Trump (@realDonaldTrump) August 3, 2019
Þeir Covington og Usman munu mögulega mætast í Madison Square Garden í nóvember og verður það fyrsta titilvörn Usman.
