Bellator 170 fór fram í gær. Breski vandræðagemsinn Paul Daley mætti Brennan Ward og kláraði bardagann með stæl.
Bardaginn var næstsíðasti bardagi kvöldsins og stóð ekki lengi yfir. Þegar 1. lota var hálfnuð kláraði Daley bardagann með þessu fljúgandi hnésparki.
Paul Daley def Brennan Ward via KO #Bellator170 Multiple Angles pic.twitter.com/DYHhapR6yS
— Fancy Combat (@FancyCombat) January 22, 2017
Daley hefur nú unnið sex af síðustu sjö bardögum sínum og skoraði á Rory MacDonald eftir bardagann. „Ef Rory MacDonald kemur í búrið með mér mun hann steinrotast,“ sagði Daley.
MacDonald samdi við Bellator í fyrra en hefur ekki enn barist í bardagasamtökunum. Hann brást skemmtilega við áskorun Daley á Twitter í gær.
when #pauldaley says he will ko rory macdonald inside a @BellatorMMA cage https://t.co/gc5jEaiWx0
— Rory MacDonald (@rory_macdonald) January 22, 2017
