Bellator 189 fór fram í nótt. Í einum af upphitunarbardögum kvöldsins fengum við að sjá eitt magnað rothögg.
Þeir Gaston Bolanos og Rick Gutierrez mættust í nótt í fjaðurvigt. Þetta var aðeins þriðji MMA bardagi Bolanos á ferlinum en hann er einnig með ágætis reynslu úr Muay Thai.
Bolanos var ekki lengi að þessu í nótt og kláraði Gutierrez með snúandi olnboga eftir 1:12 í fyrstu lotu. Bolanos er nú 2-1 á MMA ferlinum.
