Tito Ortiz og Chael Sonnen eigast við í Bellator á næsta ári. Á föstudaginn áttu þeir í smá orðaskiptum í skemmtilega kjánalegu viðtali.
„All I hear is gas coming out his ass…and it’s not his butt,“ sagði skáldið Tito Ortiz m.a. á föstudaginn við Chael Sonnen.
Bardagi þeirra verður aðalbardaginn á Bellator 170 þann 21. janúar. Bardaginn fer fram í léttþungavigt en þetta verður fyrsti bardagi Sonnen eftir að hafa lokið tveggja ára keppnisbanni sínu vegna steranotkunar.
Þessu magnaða viðtali, eða rökræðunum eins og Bellator kallaði þetta, lauk svo með því að Tito Ortiz kreisti Juicy Juice fernu og skaut þar létt á andstæðing sinn sem hefur oft verið á „djúsnum“.
