Bellator 142 fór fram í gær. Í aðalbardaga kvöldsins börðust þeir Tito Ortiz og Liam McGeary þar sem McGeary sigraði eftir „inverted triangle“ hengingu.
Tito Ortiz byrjaði bardagann ágætlega en eftir 4:41 í fyrstu lotu tappaði Ortiz út eftir þetta óvenjulega uppgjafartak. Þetta var fyrsta titilvörn McGeary síðan hann tók léttþungavigtarbeltið af Emmanuel Newton í febrúar.
Sjá einnig: Fedor semur ekki við UFC – Berst á gamlárskvöld í Japan
McGeary er brúnt belti í brasilísku jiu-jitsu og var þetta fimmti sigur hans eftir uppgjafartak í MMA. Hann átti eitt besta uppgjafartak ársins 2014 er hann sigraði Kelly Anundson með sömu hengingu.
McGeary mun næst mæta Phil Davis eftir að sá síðarnefndi sigraði einnar nætur útsláttarkeppnina í gær.
