Tuesday, March 19, 2024
HomeErlentMyndbönd: King Mo með svakalegt rothögg og Kron Gracie með glæsilega hengingu

Myndbönd: King Mo með svakalegt rothögg og Kron Gracie með glæsilega hengingu

Kron Gracie YamamotoÞað mátti sjá mörg glæsileg tilþrif í Rizin FF í morgun. Hér má sjá það King Mo, Kron Gracie og Gabi Garcia berjast sína bardaga í morgun.

Sumir bardagarnir voru mjög flottir á meðan aðrir voru hreint út sagt ekki þeir tæknilegustu.

Muhammad ‘King Mo’ Lawal átti góðan endi á árinu og stóð uppi sem sigurvegari í þungavigtarmóti Rizin. Hann sigraði þrjá bardaga á tveimur dögum og kláraði Jiri Prochazka með þessu glæsilega rothöggi sem sjá má hér.

Það ríkti nokkuð mikil spenna fyrir bardaga Kron Gracie og Erson Yamamoto. Báðir koma þeir úr miklum glímufjölskyldum, Kron auðvitað úr Gracie fjölskyldunni og Yamamoto kemur úr mikill glímufjölskyldu í Japan. Þess má geta að Erson er frændi Kid Yamamoto sem berst í UFC. Þetta var fyrsti bardagi Yamamoto í MMA en óvíst er hversu mikið við munum fá að sjá hann í MMA þar sem hann ætlar að reyna að komast á Ólympíuleikana árið 2020 í ólympískri glímu.

Bardagi þeirra var mjög skemmtilegur glímubardagi.

Bardagarnir hér að ofan eru nokkuð flottir en sama er ekki hægt að segja um bardaga Gabi Garcia og Seini ‘Lei’d Tapa’ Draughn. Þetta var frumraun beggja í MMA og augljóst að tæknin er ekki upp á sitt besta hjá báðum. Þrátt fyrir að Garcia sé tífaldur heimsmeistari í brasilísku jiu-jitsu kaus hún samt að halda bardaganum standandi mest allan tímann.

Hér má sjá þennan áhugaverða bardaga.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular