Stærsta bardagahelgi Íslandssögunnar er núna um helgina. Til að hita almennilega upp fyrir bardagana fengum við bardagamennina Bjarka Þór Pálsson og Bjarka Ómarsson.
Það verður alvöru íslensk bardagaveisla um helgina þegar færasta bardagafólk þjóðarinnar keppir. Gunnar Nelson mætir Santiago Ponzinibbio í aðalbardaga bardagakvöldsins í Skotlandi á sunnudaginn. Á laugardaginn keppir svo Sunna Rannveig Davíðsdóttir við Kelly D’Angelo á Invicta bardagakvöldinu í Kansas.
Bjarki Þór mun ferðast með Sunnu til Kansas og vera í horninu hjá henni ásamt Árna Ísakssyni. Þeir Bjarki og Bjarki Þór veittu okkur góða innsýn í æfingabúðirnar hjá þeim Sunnu og Gunna.
Þáttinn má hlusta á hér að neðan og í hlaðvarpsþjónustu iTunes.
