Í nýjasta Tappvarpinu hitum við vel upp fyrir UFC 236 á laugardaginn. Bardagakvöldið fer fram í Atlanta en þar mætast þeir Max Holloway og Dustin Poirier í aðalbardaga kvöldsins.
Það verða tveir bráðabirgðatitlar á dagskrá á laugardaginn. Max Holloway fer upp í léttvigt og mætir Dustin Poirier og Kelvin Gastelum mætir Israel Adesanya í millivigt. Á meðan léttvigtarmeistarinn Khabib Nurmagomedov og millivigtarmeistarinn Robert Whittaker eru fjarverandi halda þyngdarflokkarnir áfram með bráðabirgðartitlum.
