0

Þrenn silfurverðlaun á Norðurlandamótinu í boxi

Þrír Íslendingar kepptu á Norðurlandamótinu í boxi um helgina. Mótið fór fram í Finnlandi og kemur hópurinn heim með þrenn silfurverðlaun.

Það voru þau Kristín Sif Björgvinsdóttir úr Hnefaleikafélagi Reykjavíkur, Jafet Örn Þorsteinsson úr Hnefaleikafélagi Kópavogs og Emin Kadri einnig úr Hnefaleikafélagi Kópavogs sem kepptu á mótinu fyrir hönd Íslands í ár.

Kristín Sif sigraði í gær Lille Ahlstedt frá Finnlandi og komst því í úrslit. Í dag tapaði hún fyrir Love Holgersson eftir dómaraákvörðun og tekur Kristín því silfrið. Kristín tapaði einnig fyrir henni í fyrra á sama móti í úrslitum og er þetta því í annað sinn sem hún tekur silfur á Norðurlandamótinu.

Emin Kadri keppti í gær við Makela Aksa frá Finnlandi en hann er ríkjandi Finnlandsmeistari. Emin keppti í junior flokki en hann sigraði Makela í gær eftir dómaraákvörðun. Í dag keppti hann svo við Jacob Bank frá Danmörku í úrslitum þar sem hann mátti sætta sig við tap eftir dómaraákvörðun.

Jafet Örn sat hjá í gær og fór því beint í úrslit þar sem hann mætti Muhammad Abdilrasoon frá Finnlandi í dag. Jafet tapaði eftir dómaraákvörðun og fékk því þriðja silfrið mótinu í ár.

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.