Conor McGregor og Urijah Faber munu þjálfa nýjustu seríu The Ultimate Fighter. Í vigtuninni fyrir UFC 189 lenti þeim saman baksviðs en í myndbandinu hér að neðan útskýrir Faber atvikið.
Margir vilja meina að atvikið hafi verið sviðsett til að auglýsa nýjustu seríu TUF. Faber neitar því fer nánar í saumana á atvikinu.
Conor McGregor hefur eflaust verið dálítið úrillur á þessu augnabliki enda í stórum niðurskurði og glorhungraður og þyrstur. Hann hefur ekki verið í skapi fyrir grín og brást því illa við þegar Faber svaraði ummælum McGregor.
Í seríunni þjálfar Conor McGregor lið Evrópumanna á meðan Faber þjálfar lið skipað Bandaríkjamönnum. Serían fer í loftið miðvikudaginn 9. september á Fox Sports 1.
Sjá einnig: Gunnar aðstoðar Conor McGregor við upptökur á TUF
Atvikið gamla má sjá hér að neðan.
