VBC sendir frá sér tvo keppendur á Muay Thai kvöld í Svíþjóð um helgina. Þeir Þórður Bjarkar og Adrian Drążkiewicz keppa á West Coast Battle 9 bardagakvöldinu á laugardaginn.
Bardagarnir fara fram undir Semi-Pro reglum en þar eru olnbogar og hné í haus leyfileg. Þórður er 3-2 undir Semi-Pro reglum en er með um 8 Muay Thai bardaga í heildina. Hann mætir Teo Sittirak (6-1) frá 5-Star í Svíþjóð.
Adrian Drążkiewicz er 2-1 í Muay Thai en hefur einnig keppt í boxi og MMA. Hann mætir Keiwan Abidi frá Halmstad Muay Thai.
Strákarnir halda utan á fimmtudagsmorgni en með þeim í för verður þjálfarinn Kjartan Valur Guðmundsson. Hægt er að fylgjast með strákunum á Snapchatti MMA Frétta á laugardaginn.
Snapchat: mmafrettir
