Gríðarlega spennandi bardagi var tilkynntur rétt í þessu. Rory MacDonald mun mæta Stephen Thompson á UFC Fight Night þann 18. júní í Ottawa.
Sigurvegarinn hér mun að öllum líkindum tryggja sér titilbardaga í veltivigtinni. Rory MacDonald hefur ekkert barist síðan hann mætti Robbie Lawler á UFC 189 í ótrúlegum bardaga. Lawler fór með sigur af hólmi en MacDonald hlaut mikið lof fyrir frammistöðuna.
Stephen Thompson hefur sigrað sex bardaga í röð í UFC og átti sína bestu frammistöðu á ferlinum þegar hann rotaði Johny Hendricks í febrúar.
MacDonald er í 1. sæti á styrkleikalista UFC á meðan Thompson er í því 2. Þetta er því stórkostleur bardagi fyrir bardagaaðdáendur.
Bardaginn fer fram þann 18. júní í Ottawa í Kanada.
