Seinni dagur Swedish Open fór fram í dag og er óhætt að segja að velgengni Mjölnisfólksins hafi haldið áfram. Eftir að hafa fengið sex verðlaun í gær héld verðlaunasöfnunin áfram í dag.
Eins og við greindum frá í gær fengu íslensku keppendurnir sex verðlaun á fyrri keppnisdegi Swedish Open. Í dag fór keppni unglinga fram auk opinna flokka.
Í unglingaflokkum hlaut Marinó Kristjánsson gull í -79 kg flokki unglinga. Þá var Sigurður Örn Alfonsson í þriðja sæti í sama flokki. Kristján Helgi Hafliðason hafnaði í 2. sæti í -74 kg flokki blábeltinga og ljóst að þessir drengir eiga framtíðina fyrir sér í íþróttinni.
Í opnum flokki fullorðinna náði Mjölnir í þrenn verðlaun. Sindri Már Guðbjörnsson gerði sér lítið fyrir og sigraði opinn flokk hvítbeltinga en hann sigraði einnig sinn flokk í gær, frábær helgi hjá honum! Nils Alexander Nowenstein náði þriðja sæti í opnum flokki og því tveir Íslendingar á palli í opnum flokki hvítbeltinganna.
Dóra Haraldsdóttir tryggði sér brons í opnum kvennaflokki blábeltinga en hún nældi sér í silfur í sínum þyngdarflokki í gær.
Sex verðlaun uppskera dagsins og samtals 12 verðlaun eftir helgina. Frábær árangur hjá þeim og óskum við þeim til lukku með árangurinn.
-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Viaplay
- Tappvarpið #141: Frábær sigur Gunnars og UFC 286 uppgjör - March 22, 2023
- Gunnar með flest uppgjafartök í sögu veltivigtarinnar - March 19, 2023
- Gunnar Nelson með sigur í 1. lotu - March 18, 2023
